Dagur og Nótt fara um himininn

Hvernig fara Dagur og Nótt um himininn?

Í Gylfaginningu er Nótt dóttir jötuns og Dagur sonur hennar. Þau fengu hvort sinn hest og vagn og voru send upp á himininn til að fara umhverfis jörðina. Nótt fer á undan.

Hestur Nætur heitir Hrímfaxi. Á hverjum morgni fellur froða úr munni hans og vætir jörðina. Þetta er döggin. Hestur Dags heitir Skinfaxi. Fax hans lýsir upp allan himininn og alla jörðina.

Mundilfari nefndi dóttur sína Sól og son sinn Mána. Guðunum þótti þetta hroki og settu börnin upp á himininn í reiði sinni. Sól ók hestunum sem drógu sólarvagninn. Máni stýrir göngu tunglsins og því hvernig það vex og minnkar.

Máni tók Bil og Hjúka upp af jörðinni þegar þau voru að bera vatn frá brunni. Í Grímnismálum segir að skjöldurinn Svalinn sé fyrir sólinni. Ef hann færi frá myndu bæði fjöll og höf brenna.

Lesa skýringarLoka skýringum