Ýmir og sköpun heimsins
Hvernig varð heimurinn til úr líkama jötuns?
Synir Bars drápu jötuninn Ými. Svo mikið blóð rann úr sárum hans að hrímþursarnir drukknuðu. Bergelmir komst undan með konu sinni á báti. Frá afkomendum þeirra er ætt hrímþursa komin.
Synir Bars fluttu líkama Ýmis í mitt gapið. Þeir gerðu jörðina úr holdinu og höf og vötn úr blóðinu. Beinin urðu að fjöllum. Úr tönnum, jöxlum og brotnum beinum urðu steinar og urðir.
Úr höfuðkúpunni gerðu þeir himininn og breiddu hann yfir jörðina. Undir hvert af 4 hornum hans settu þeir dverg. Þeir heita Austri, Vestri, Norðri og Suðri. Hafið umlukti jörðina eins og hringur.
Þeir gerðu líka virki til að verja heimkynni mannanna fyrir jötnum. Í það notuðu þeir augnhár Ýmis. Virkið nefndu þeir Miðgarð. Heilanum köstuðu þeir upp í loftið og gerðu úr honum ský.
Heimildir þessarar sögu (4)Ýmir og sköpun heimsins
Ór Ymis holdi
var jörð of sköpuð,
Úr holdi Ýmis var jörðin sköpuð.
„Grímnismál“ 40. erindi
„Gylfaginning“Gylfaginning
„Völuspá“Völuspá
„Vafþrúðnismál“Vafþrúðnismál
„Grímnismál“Grímnismál
