Hugrakka goðið, skáldið og vörðurinn

Hvaða goð heyrir grasið vaxa?

Týr er sérlega hugrakkur og ræður miklu um sigur í bardaga. Þegar goðin ætluðu að binda úlfinn lagði hann hönd sína í gin hans til að sýna að þeim mætti treysta. En goðin leystu úlfinn ekki aftur og hann beit höndina af Tý. Þannig missti Týr aðra höndina.

Bragi er vitur og orðhagur. Sérstaklega veit hann öðrum meira um skáldskap. Kona hans, Iðunn, geymir í öskju epli sem yngja goðin. Þegar goðin eldast borða þau eplin og verða ung á ný.

Heimdallur er kallaður hvíta goðið og er sonur 9 mæðra sem eru systur. Hann gætir Bifrastar fyrir jötnum við himins enda. Hann heyrir bæði grasið og ullina á sauðfénu vaxa. Hornið hans heitir Gjallarhorn. Þegar hann blæs í það heyrist hljómurinn um alla heima.

Lesa skýringarLoka skýringum