Freyr og Freyja

Til hvers fara þeir sem falla í bardaga?

Freyr og Freyja eru börn Njarðar, bæði fögur og máttug goð. Freyr ræður regni og sólskini og þar með því hvernig jörðin gefur af sér. Til hans er beðið um góða uppskeru og frið. Hann ræður líka því hvort fólk eignast auð.

Í Grímnismálum er sagt að goðin hafi gefið Frey Álfheim í árdaga. Það var tannfé, gjöf í tilefni af því að hann tók fyrstu tönnina. Freyja býr í Fólkvangi á himni. Þar ákveður hún hver fær hvaða sæti í salnum.

Þegar Freyja fer á vígvöllinn fær hún helming þeirra sem falla í bardaga. Hinn helminginn fær Óðinn. Þegar hún fer að heiman situr hún í vagni sem 2 kettir draga. Gott er að biðja hana um hjálp í ástamálum. Sjálf hefur Freyja dálæti á ástarljóðum.

Lesa skýringarLoka skýringum