Óðinn fylgist með heiminum

Hvernig fær Óðinn fréttir úr heiminum?

Óðinn er faðir allra goðanna og er því líka kallaður Alföður. En hann á sér miklu fleiri nöfn. Í Grímnismálum telur hann upp hvert nafnið á fætur öðru. Sum þeirra tengjast atburðum á ferðum hans.

Hrafnarnir 2, Huginn og Muninn, leggja af stað í dögun. Þeir fljúga um allan heim og koma aftur um morgunverðarleytið. Þá setjast þeir á axlir Óðins og segja honum í eyra allt sem þeir hafa séð og heyrt. Þannig fær Óðinn fréttir af ýmsu sem gerist í heiminum.

En Óðinn er ekki viss um að hrafnarnir skili sér alltaf heim. Hann óttast að Huginn komi ekki aftur og hefur enn meiri áhyggjur af Munni. Matinn á borðinu gefur hann úlfunum Gera og Freka. Sjálfur þarf Óðinn engan mat, heldur lifir eingöngu á víni.

Lesa skýringarLoka skýringum