Goðið sem skín og goðið sem sættir

Hvernig leysir Forseti deilur?

Baldur er talinn bestur goðanna og allir lofa hann. Hann er svo fagur og bjartur að ljós skín af honum. Jurt sem er sérlega hvít er sögð líkjast augnhárum Baldurs. Af hvítleika hennar má ráða hversu fagurt hár hans og hörund séu.

Baldur er vitrastur goðanna, talar fagurlega og er þeirra miskunnsamastur. Þó rætast ekki dómar hans. Hann býr á Breiðabliki á himni. Í Gylfaginningu segir að þar megi ekkert óhreint vera.

Forseti er sonur Baldurs. Höll hans, Glitnir, er á himni og hefur gullsúlur og silfurþak. Þar leysir Forseti deilumál. Þeir sem koma til hans með ágreining fara allir heim sáttir. Sagt er að þar sé besti dómstaður sem goð og menn eiga.

Lesa skýringarLoka skýringum