Eiginmaður valinn eftir fótunum

Hvernig fór þegar Skaði valdi sér mann eftir fótunum?

Þegar goðin höfðu drepið jötuninn Þjaza ætlaði Skaði, dóttir hans, að hefna föður síns. Hún tók sér hjálm, brynju og vopn og hélt á fund goðanna. Þau buðu henni bætur til að koma á sáttum.

Eitt af skilyrðunum var að hún fengi að velja sér eiginmann úr hópi goðanna. Hún mátti þó aðeins sjá fæturna. Skaði valdi sérlega fallega fætur og hélt að þeir væru Baldurs. En sá sem hún hafði valið var Njörður.

Skaði krafðist þess líka að goðin kæmu henni til að hlæja. Loki batt þveng um skegg geitar og hinn endann um eigin eistu. Þau toguðust á og hljóðuðu hátt. Að lokum féll Loki í kjöltu Skaða og þá hló hún. Þar með sættust þau.

Í Skáldskaparmálum bætir Óðinn henni föðurmissinn enn frekar. Hann kastar augum Þjaza upp á himininn og gerir úr þeim 2 stjörnur. Í Hárbarðsljóðum segist Þór hins vegar hafa drepið jötuninn. Hann segist líka hafa kastað augunum upp á himininn.

Lesa skýringarLoka skýringum