Epli Iðunnar

Hvernig var Iðunni bjargað úr haldi?

Óðinn, Loki og Hænir voru á ferð og ætluðu að elda sér nautskjöt. En kjötið vildi ekki soðna. Örn í tré sagði að hann réði því. Hann bauðst til að láta kjötið soðna ef hann fengi að éta nægju sína af því.

Þegar örninn tók læri og bóga nautsins reiddist Loki og sló hann með stöng. Stöngin festist við bak arnarins og hendur Loka við stöngina. Örninn dró Loka á eftir sér. Til að sleppa varð Loki að sverja að lokka Iðunni út með eplin sín.

Loki laug því að hann hefði fundið sjaldgæf epli. Hann lokkaði Iðunni út í skóg og bað hana að taka sín eigin epli með til samanburðar. Þar rændi jötunninn Þjazi henni í arnarham. Án Iðunnar urðu goðin gráhærð og gömul.

Goðin hótuðu Loka og hann fékk lánaðan valsham Freyju til að bjarga Iðunni. Hann breytti henni í hnetu, greip hana og flaug heim. Goðin kveiktu í viðarspæni við borgarmúrinn. Örninn elti þau, en eldur læstist í fjaðrir hans og goðin drápu hann.

Lesa skýringarLoka skýringum