Konungurinn spyr guðina

Um hvað spurði konungurinn guðina?

Gylfi vill komast að því hvers vegna allt fer að óskum guðanna. Hann bregður sér í líki gamals manns og heldur til Ásgarðs. Guðirnir sjá ferð hans fyrir og búa til sjónhverfingar til að blekkja hann.

Konungurinn sá háa höll með gylltum skjöldum á þakinu. Við dyrnar lék maður sér að því að kasta 7 stuttum sverðum á loft í einu. Konungurinn sagðist heita Gangleri. Inni í höllinni voru 3 hásæti, hvert upp af öðru.

Í neðsta sætinu sat Hár, í því næsta Jafnhár og efst sat Þriðji. Hár bauð konungi að standa á meðan hann spyrði. Þeir sem svöruðu sátu. Þannig hefst frásögnin þar sem konungurinn spyr og þeir svara.

Þegar hann spurði hver væri æðstur eða elstur guðanna var svarið Alföður. Í Ásgarði hinum forna átti hann að hafa borið 12 nöfn. Þeir sem lifa réttlátu lífi fara til Gimlé eða Vingólfs. Vondir menn fara til Heljar og þaðan niður í Niflhel, hinn 9. heim.

Lesa skýringarLoka skýringum