Völvan segir sögu heimsins

Hvað man völvan frá elstu tímum?

Völuspá hefst á því að völva biður áheyrendur að hlusta í hljóði. Hún ávarpar „mögu Heimdallar“, bæði háa og lága. Að beiðni Óðins segir völvan frá þeim fornu sögum sem hún man.

Hún man eftir jötnunum sem ólu hana upp fyrir löngu. Hún man líka 9 heima. Auk þess segir hún frá tré undir jörðu.

Í upphafi var hvorki sandur né sjór, jörð né himinn. Ekkert gras óx og aðeins víðáttumikið gap var til. Síðan var jörðinni lyft upp. Sólin skein úr suðri og grænt gras tók að vaxa á jörðinni.

Í fyrstu vissu sólin og stjörnurnar ekki hvar þær ættu heima. Tunglið þekkti ekki heldur mátt sinn. Þá söfnuðust guðirnir saman til ráða. Þeir gáfu meðal annars nótt, morgni, hádegi og kvöldi nöfn. Nöfnin áttu að hjálpa þeim að telja árin.

Lesa skýringarLoka skýringum