Eyjan sem uxarnir drógu

Hvernig bjuggu uxarnir til eyju?

Kona á ferðalagi kemur til Gylfa konungs, sem ræður yfir Svíþjóð. Hún skemmtir konungi og í þakklætisskyni gefur hann henni land. Hún má fá eins mikið og 4 uxar geta plægt á einum sólarhring. Konan hét Gefjun og var af ætt ása.

Gefjun sótti uxa norður í Jötunheima. Þeir voru synir hennar og jötuns nokkurs. Hún spennti alla 4 fyrir plóginn og hann gekk djúpt í jörðina. Plógfarið varð svo breitt og djúpt að landið sjálft losnaði frá.

Uxarnir drógu landið út á haf og héldu vestur. Þeir námu staðar í sundi nokkru. Þar kom Gefjun landinu fyrir og nefndi það Sjáland. Eftir varð stöðuvatn þar sem landið hafði verið. Víkur vatnsins falla að lögun nesjanna sem ganga út úr eyjunni.

Lesa skýringarLoka skýringum