Dauði Baldurs

Hvað varð Baldri að bana?

Höður stóð utan við hring goðanna sem höfðu safnast í kringum Baldur. Hann var blindur og tók því ekki þátt eins og hin. Loki spurði hann hvers vegna hann skyti ekki að Baldri.

Höður svaraði að hann sæi ekki hvar Baldur væri. Hann var heldur ekki með neitt vopn. Loki hvatti hann til að sýna Baldri virðingu eins og hinir og bauðst til að segja honum hvert hann ætti að miða. Höður tók mistilteininn og skaut honum að fyrirmælum Loka.

Mistilteinninn fór í gegnum líkama Baldurs. Baldur féll dauður til jarðar. Goðin urðu orðlaus. Þau gátu ekki einu sinni teygt hendur að líkama hans heldur horfðu hvert á annað. Þarna var bannað að berjast og því gátu þau ekki hefnt hans. Loks brast gráturinn fram áður en nokkurt orð var sagt.

Lesa skýringarLoka skýringum