Baldur borinn á skip
Hvernig fór útför Baldurs fram?
Goðin báru lík Baldurs til sjávar. Við útförina átti að nota Hringhorna, stærsta skip allra skipa. En þegar þau ætluðu að ýta því á flot hreyfðist það ekki. Goðin kölluðu því á gýgina Hyrrokkin.
Hyrrokkin ýtti einu sinni við stefni skipsins og það rann af stað. Eldur flaug úr hlunnunum undir því og jörðin skalf. Lík Baldurs var borið um borð. Þegar Nanna kona hans sá það dó hún af sorg. Lík hennar var líka lagt á bálköstinn.
Kveikt var í bálkestinum. Þór vígði bálið með hamri sínum. Dvergurinn Litur hljóp fyrir fætur honum og Þór sparkaði honum inn í eldinn. Óðinn lagði gullarmbandið Draupni á bálið. Af því drupu 8 gullarmbönd með sömu þyngd 9. hverja nótt.
Heimildir þessarar sögu (1)Baldur borinn á skip
Óðinn lagði á bálit gullhring þann, er Draupnir heitir.
Óðinn lagði gullarmbandið Draupni á bálköstinn.
„Gylfaginning“ 49. kafli
„Gylfaginning“Gylfaginning
Um myndina
Louis Moe „Funeral pyre of Balder“ Fallið úr höfundarétti Skoða upprunalegu myndina
Myndin var endurgerð í Super Nintendo-stíl eftir eldri mynd. Smelltu á hnappinn til að sjá eldri myndina.