Heit Héðins

Hvaða heits sá Héðinn eftir?

Helgi og Sváva höfðu heitið hvort öðru tryggðum og unnu hvort öðru heitt. Kvöldið fyrir jól hitti Héðinn, bróðir Helga, tröllkonu í skógi. Hún reið úlfi og hafði snáka að taumum. Hún bauðst til að fylgja honum, en Héðinn hafnaði því.

Þetta kvöld lagði fólkið hendur á heilagan gölt og strengdi heit. Héðinn hét því að ganga að eiga unnustu Helga. Hann sá strax sárlega eftir því og lagði af stað að leita að Helga.

Þegar Helgi heyrði þetta sagði hann bróður sínum að láta það ekki á sig fá. Hans beið einvígi og hann efaðist um að hann kæmi lifandi til baka. Síðar hlaut hann banvænt sár í mikilli orrustu. Þá lét hann kalla Svávu til sín.

Helgi sagði að þetta yrði síðasti fundur þeirra og bað hana að elska Héðin. Sváva svaraði að þótt Helgi dæi myndi hún ekki fúslega taka ókunnan mann í faðm sér. Héðinn hét því að snúa ekki heim fyrr en hann hefði hefnt Helga.

Lesa skýringarLoka skýringum