Kvörnin sem gerði sjóinn saltan

Hvernig gerði kvörnin sjóinn saltan?

Í Skáldskaparmálum kaupir Fróði Danakonungur Fenju og Menju. Þær eru stórar og sterkar og hann lætur þær vinna fyrir sig. Kvörnin Grotti malar hvað sem sá óskar sem snýr henni. Fyrst mala þær gull, frið og hamingju handa konunginum. En þær fá varla nokkurn tíma til að sofa.

Þær mega aðeins hvílast meðan gaukurinn þegir eða meðan þær syngja eitt kvæði. Að lokum mala þær fram her sem á að ráðast gegn konunginum. Um nóttina kemur sækonungurinn Mýsingur og ræðst til atlögu. Fróði er drepinn. Friðartímanum lýkur og nýi konungurinn tekur bæði kvörnina og konurnar með sér.

Mýsingur skipar þeim að mala salt. Um miðnætti spyrja þær hvort nú sé komið nóg, en konungurinn segir þeim að halda áfram. Skömmu síðar sekkur skipið. Sjórinn streymir niður um kvarnaraugað og þar verður eftir svelgur. Í Skáldskaparmálum segir að þá hafi sjórinn orðið saltur.

Í Grottasöng er hins vegar lýst hvernig þær snúa kvörninni af öllum mætti. Tréskaftið skelfur og þungur kvarnarsteinninn klofnar í tvennt.

Lesa skýringarLoka skýringum