Fingurinn sem opnaði mál fuglanna

Hvaða leyndarmál sögðu fuglarnir frá?

Reginn skar hjartað úr drekanum og drakk blóð úr sárinu. Síðan bað hann Sigurð að steikja hjartað. Sjálfur sagðist hann ætla að leggja sig.

Sigurður þræddi hjartað upp á tein og steikti það. Hann brenndi sig þegar hann snerti það með fingrinum til að athuga hvort það væri fullsteikt. Hann stakk fingrinum upp í sig. Um leið og blóðið úr hjartanu snerti tunguna fór hann að skilja mál fuglanna.

Fuglarnir í runnunum ræddu ráðabrugg Regins. Hann ætlaði að svíkja Sigurð, sem treysti honum, til að hefna bróður síns. Sigurður hjó höfuðið af Regin. Síðan át hann steikta hjartað.

Í bæli drekans fyllti Sigurður tvær kistur af gulli og hlóð fjársjóðnum á hestinn Grana. En hesturinn hreyfði sig ekki. Hann vildi ekki leggja af stað fyrr en Sigurður sjálfur var kominn á bak.

Lesa skýringarLoka skýringum