Hinn kæni Loki

Hvernig tengist Loki goðunum?

Loki er talinn til goðanna. Faðir hans er jötunninn Fárbauti og móðir hans heitir Laufey, en er líka kölluð Nál. Loki sjálfur ber einnig nafnið Loftur. Bræður hans eru Býleistr og Helblindi. Kona hans heitir Sigyn og sonur hans er kallaður Nari eða Narfi.

Loki er fríður sýnum og fallegur á að líta. En hann er illur í skapi og breytilegur í háttum. Hann er öðrum kænnari og sú kænska er kölluð slægð. Hann finnur upp ráð við hverju sem er. Hann er líka kallaður sá sem kemur af stað deilum meðal goðanna.

Kænska hans birtist líka í samskiptunum við goðin. Loki kemur þeim oft í mikinn vanda. En með brögðum sínum bjargar hann þeim líka oft úr vandanum. Það er Loki sem bæði kemur þeim í klípu og hjálpar þeim úr henni.

Lesa skýringarLoka skýringum