Galdurinn sem gleymdist af gleði

Hvers vegna situr brýnið enn í höfði Þórs?

Þór kemur heim með brýnisbrotið enn fast í höfðinu. Þá kemur til hans galdrakona sem heitir Gróa. Hún er eiginkona Örvandils. Hún syngur galdra yfir Þór og brýnið fer að losna.

Þór finnur að brýnið er að losna og vill gleðja Gróu í þakklætisskyni fyrir lækninguna. Hann segir henni frá því þegar hann bar mann hennar frá Jötunheimum í körfu á bakinu. Hann hafði vaðið yfir vatn með hann á bakinu.

Ein tá mannsins stóð út úr körfunni og var frosin. Þór segist hafa brotið hana af og kastað upp á himininn, þar sem hún varð að stjörnu. Síðan segir hann Gróu að maður hennar komi bráðum heim. Hún verður afar glöð við fréttirnar.

En hún verður svo glöð að hún gleymir galdrinum. Brýnið losnar ekki meira og situr áfram í höfði Þórs. Í Skáldskaparmálum er varað við því að kasta brýni þvert yfir gólf. Þá hreyfist nefnilega brýnið í höfði hans.

Lesa skýringarLoka skýringum