Þór fer að veiða

Hvað gerðist þegar Þór dró stórorminn upp?

Í Gylfaginningu kemur Þór einn til Hymis í líki ungs manns. Morguninn eftir biður hann um að fá að fara með jötninum á sjó. Hymir segir honum að útvega sér sjálfur beitu. Þór fer þá í nautahjörð jötunsins og tekur höfuðið af stærsta nautinu.

Þór rær sífellt lengra út þótt Hymir vari hann við hættunni. Hann beitir öngulinn með nautshöfðinu og stórormurinn bítur á. Þór spyrnir báðum fótum gegnum botn bátsins. Hann nær fótfestu á hafsbotni og dregur orminn upp að borðstokknum. Ormurinn spýr eitri.

Þegar Þór reiðir hamarinn til höggs verður Hymir svo hræddur að hann sker á línuna. Stórormurinn sekkur í hafið. Þór kastar hamrinum á eftir honum. Sögumaðurinn telur þó að ormurinn lifi enn. Þór slær Hymi við eyrað svo að hann steypist fyrir borð.

Í Hymiskviðu slær Þór hins vegar hamarshöggi í höfuð stórormsins eftir að hafa dregið hann upp. Jörðin skelfur og ormurinn sekkur í hafið. Þar er engin frásögn af því að Hymir skeri á línuna.

Lesa skýringarLoka skýringum