Bikarinn sem brotnaði á höfði jötuns

Hvernig tókst að brjóta bikarinn sem ekkert vann á?

Í Hymiskviðu biður Hymir Þór að brjóta bikar þegar þeir koma heim úr róðri. Þótt Þór geti róið af miklum krafti vill Hymir ekki viðurkenna styrk hans nema honum takist líka að brjóta bikarinn. Þór kastar honum í steinsúlu. Súlan molnar, en bikarinn er heill.

Kona jötunsins ráðleggur Þór að kasta bikarnum í höfuð Hymis, því það sé harðara en bikarinn. Þór tekur á öllu sínu guðlega afli. Bikarinn brotnar, en höfuðið er óskemmt. Þá segir Hymir að Þór megi eiga stóra ketilinn ef honum takist að bera hann út úr húsinu.

Týr reynir 2 sinnum en getur ekki hreyft ketilinn. Þór hvolfir honum yfir höfuðið og ber hann af stað. Höldurnar klingja við hæla hans. Á heimleiðinni elta Hymir og margir marghöfða jötnar þá. Þór setur ketilinn niður og fellir þá alla með Mjölni.

Þegar þeir halda áfram hefur annar hafurinn meitt sig á fæti og liggur á jörðinni. Loki á sök á því. Að lokum kemur Þór með stóra ketil Hymis til goðanna. Nú geta þau drukkið öl hjá Ægi að hausti.

Lesa skýringarLoka skýringum