3-6„Helgakviða Hjörvarðssonar“ 31–43. vísa

Heit Heðins

Hvers heits iðraðist Heðinn?

Helgi ok Sváva höfðu heitit hvárt öðru hjúskap ok unnust mikit. Aptan fyrir jól hitti Heðinn, bróðir Helga, tröllkonu í skógi. Hon reið úlfi ok hafði orma at taumum. Hon bauð honum fylgd sína, en Heðinn neitaði.

Um kveldit lögðu menn hendr á helgan gölt ok strengdu heit. Heðinn hét því, at hann skyldi eiga unnustu Helga. Hann iðraðist þegar stórum ok fór at leita Helga.

Er Helgi heyrði þetta, bað hann bróður sinn eigi syrgja. Hann átti bardaga fyrir höndum ok efaðist um, at hann kæmi lifandi heim. Síðar fekk hann banasár í mikilli orrostu. Þá lét hann kalla Svávu til sín.

Helgi sagði, at þetta yrði síðasti fundr þeira, ok bað hana unna Heðni. Sváva svaraði, at þótt Helgi dæi, mundi hon eigi fús faðma ókunnan mann. Heðinn hét því, at hann kæmi eigi heim, fyrr en hann hefði hefnt Helga.

Mynd: Heit Heðins