Hefnd Guðrúnar

Hversu hefndi Guðrún brœðra sinna?

Í „Atlamálum inum grœnlenzku“ ætlar Guðrún at hefna brœðra sinna. Hon drepur sonu sína ok Atla. Ór hausum þeira gerir hon drykkjarskálar. Í þær hellir hon víni, blandit blóði barnanna, ok gefr Atla at drekka.

Hjörtun þræðir hon á tein ok steikir. Hon segir Atla, at þat sé kálfakjöt, ok gefr honum at eta. Atli lætr ekkert eftir. Þá segir Guðrún bónda sínum, hvat hon hefir gert. Síðan drepur hon Atla með liðsinni sonar Högna.

Í „Atlakviðu“ gefr Guðrún Atla hjörtun at eta með hunangi. Er hon segir honum, at þetta hafi verit hjörtu sona þeira, gráta menn. En hon grætr eigi. Atli var mjök drukkinn. Hann hafði engin vápn ok uggði eigi at konu sinni.

Guðrún leggr sverði í Atla. Síðan kastar hon brennandi viði í dyrr hallarinnar. Eldr leikr um fólkit inni. Þeir, er höfðu drepit Gunnar ok vóru komnir heim, brenna þar ok. Inn gamli viðr hallarinnar brann til grunna.

Les skýringarLúk aptr skýringum