Ættir goða ok spár

Hvat verðr, er sær gengr upp til himins?

Völuspá in skamma segir frá ættum goða ok jötna. Þar segir, at allir jötnar séu frá Ymi komnir. Síðan er sagt frá manni, er fæddist við heims enda. Hann er goða ættar, en mæður hans eru 9 gýgjar.

Maðrinn eflist af jarðar megni, köldum sæ ok svíns blóði. Því næst er sagt frá börnum Loka. Við Angrboðu gat hann úlf, en við Svaðilfara ól hann Sleipni.

Loki etr hálfbrunnit hjarta konu ok verðr þá með barni. Sagt er, at af því hafi skrímsl fæzt. Síðan víkr spáin at heims enda. Sær ólgar ok gengr upp til himins ok flæðir yfir lönd. Snjór kemr ok hvassir vindar. Þá farast goðin.

Einnig er sagt frá þeim, er efldist af jarðar megni ok var öllum fremri. Eptir hann kemr annarr enn máttkari. Sú, er talar, kveðst eigi þora at nefna nafn hans. Fáir sjá lengra fram en til þess, er Óðinn mætir úlfinum.

Les skýringarLúk aptr skýringum