Jörðin grænkar á ný

Hvað finna guðirnir á nýju jörðinni?

Í Völuspá rís jörðin aftur úr öldum hafsins. Hin nýja jörð er algræn. Fossar falla og örn flýgur yfir þeim. Hann veiðir fiska undir klettunum.

Guðirnir safnast saman á Iðavelli. Í Gylfaginningu er það staðurinn þar sem Ásgarður stóð áður. Þeir setjast niður saman og tala um það sem gerðist í gamla daga.

Í Völuspá ræða þeir um hinn ógurlega orm sem lá umhverfis jörðina. Þeir minnast líka stórviðburða fyrri tíma og fornra rúna þess sem réð yfir guðunum. Þá finnast gullnar tafltöflur í grasinu. Þetta eru töflurnar sem guðirnir áttu endur fyrir löngu og koma nú aftur í ljós.

Lesa skýringarLoka skýringum