Valkyrjan kennir rúnir

Hvar á að rista rúnirnar?

Sigurður bað Sigrdrífu að miðla sér af visku sinni. Hún kenndi honum að nota rúnir til að sigra í bardaga. Þær átti að rista á sverðshjaltið. Einnig sagði hún honum að nefna Tý tvisvar.

Til voru líka ölrúnir sem áttu að verja menn gegn því að verða blekktir af eiginkonu annars manns. Þær átti að rista á drykkjarhorn og handarbak. Bjargrúnir, sem áttu að hjálpa við fæðingar, átti að rista í lófa. Rúnirnar voru því ristar á ólíka staði eftir því til hvers þær voru ætlaðar.

Því næst fylgdu 11 heilræði. Hún sagði honum að sverja ekki ranga eiða. Hún varaði hann líka við því að deila við drukkna stríðsmenn. Áfengi svipti marga dómgreindinni, útskýrði hún.

Hún kenndi honum líka að búa um lík til greftrunar ef hann fyndi látna manneskju. Áður en líkið væri lagt í kistu skyldi þvo hendur þess og höfuð, greiða hárið og þerra líkamann. Síðan ætti að biðja þess að hinn látni hvíldi í friði.

Lesa skýringarLoka skýringum