Drekinn sem gætti gullsins og sverðið Gram

Hversu beitt var sverðið sem átti að vinna á drekanum?

Í Reginsmálum stingur Fáfnir föður sinn Hreiðmar með sverði þar sem hann sefur. Þegar faðir hans er dáinn tekur hann allt gullið sjálfur. Í Skáldskaparmálum eru það bræðurnir Reginn og Fáfnir sem drepa föður sinn. Eftir það breytist Fáfnir í dreka og leggst á gullið.

Reginn ól Sigurð upp. Hann smíðaði handa honum sverðið Gram. Sigurður brá sverðinu í rennandi vatn. Það var svo beitt að ullarlagður sem rak með straumnum skarst í sundur um leið og hann snerti eggina.

Sigurður lagði af stað á skipi til að hefna föður síns en lenti í miklu óveðri. Maður sem stóð á kletti sagðist heita Hnikar. Þegar Sigurður spurði um góð fyrirboða í bardaga sagði hann meðal annars að það vissi á gott að mæta svörtum hrafni á leiðinni. Síðar sigraði Sigurður í bardaganum við banamenn föður síns.

Lesa skýringarLoka skýringum