Móðirin sem söng galdra úr gröfinni

Hvernig hjálpar látin móðir syni sínum í ferðalaginu?

Svipdagur kemur að gröf Gróu, látinnar móður sinnar. Meðan hún lifði hafði hún sagt honum að koma að gröfinni ef hann þyrfti hjálp. Svipdagur vekur móður sína og hún spyr hvað hafi komið fyrir.

Stjúpmóðir hans hafði skipað honum að leita að stúlku á stað sem hann kunni ekki leiðina til. Svipdagur óttast að deyja á leiðinni. Hann biður móður sína að vernda sig með göldrum, því að hann sé enn svo ungur.

Gróa syngur 9 galdra til að hjálpa honum á ferðinni. Verði hann bundinn, opnast lásarnir og fjötrarnir falla af fótum hans. Á sjó verja galdrarnir bátinn fyrir vindi og öldum. Þegar hann þarf að tala við jötun fær hann visku og orð til að svara.

Að lokum segir móðirin syni sínum að geyma orð sín í hjarta sér. Meðan hann muni þau muni gæfan fylgja honum alla ævi.

Lesa skýringarLoka skýringum