Ættir guðanna og spádómurinn

Hvað gerist þegar hafið rís til himins?

Völuspá in skamma segir frá ættum guða og jötna. Þar kemur fram að allir jötnar séu komnir frá Ými. Síðan er sagt frá manni sem fæddist við enda heimsins. Hann er af guðaætt og mæður hans eru 9 gýgjar.

Maðurinn eflist af mætti jarðar, köldum sæ og svínsblóði. Því næst er sagt frá börnum Loka. Með Angurboðu eignaðist hann úlf. Hann fæddi líka Sleipni, sem hann átti með Svaðilfara.

Loki étur hálfbrunnið hjarta konu og verður þá þungaður. Sagt er að af því hafi fæðst skrímsli. Síðan víkur spádómurinn að endalokum heimsins. Hafið ólgar og rís allt til himins og gengur yfir landið. Snjór og hvassviðri skella á. Nú er komið að falli guðanna.

Einnig er sagt frá þeim sem efldist af mætti jarðar og ber af öllum öðrum. Á eftir honum kemur annar enn máttugri. Sú sem segir frá kveðst ekki þora að nefna nafn hans. Fáir sjá lengra fram í tímann en að þeirri stund þegar Óðinn mætir úlfinum.

Lesa skýringarLoka skýringum