Viskukeppni upp á líf og dauða

Hvaða spurningu gat jötunninn ekki svarað?

Í Vafþrúðnismálum kemur Óðinn í höll jötuns til að reyna visku hans. Jötunninn Vafþrúðnir segir að gesturinn komist ekki þaðan aftur nema hann sé vitrari en hann sjálfur.

Óðinn kallar sig Gagnráð. Hann segist hafa farið langa leið og vera þyrstur. Jötunninn spyr hvað áin heiti sem skilur lönd goða og jötna að. Óðinn svarar og segir að ána leggi aldrei.

Jötunninn viðurkennir visku gestsins og býður honum að setjast hjá sér á bekkinn. Héðan í frá leggja þeir báðir höfuð sín að veði í spurningakeppninni. Óðinn spyr hvaðan jörðin og himinninn hái hafi komið í upphafi.

Að lokum spyr hann hvað Óðinn hafi hvíslað í eyra sonar síns áður en hann var lagður á bál. Jötunninn svarar að enginn viti það. Þá viðurkennir hann að hann hafi verið að keppa við Óðin sjálfan og segir að Óðinn sé ævinlega vitrari.

Lesa skýringarLoka skýringum