Ráð sem heyrðust við brunninn

Hvernig eigum við að koma fram við gesti og vini?

Í Hávamálum er sagt frá sæti þularins við Urðarbrunn. Sögumaðurinn sat þögull og horfði. Hann hugleiddi það sem fyrir augu bar og segist hafa hlustað á orð fólksins.

Síðan eru Loddfáfni gefin ráð. Fyrst er hann hvattur til að nema þau, því þau muni koma honum að gagni. Honum er ráðlagt að vaka ekki á nóttunni nema til að kanna hvað sé á seyði eða sinna þörfum sínum.

Honum er ráðlagt að heimsækja traustan vin oft. Vegur sem enginn fer grær nefnilega kafloðinn runnum og háu grasi. Einnig er honum kennt að slíta ekki sjálfur vináttuböndum. Sá sem getur engum sagt hug sinn lætur sorgina naga hjartað. Honum er líka ráðlagt að skiptast ekki á orðum við heimskingja.

Ekki á að hæða gesti eða ferðalanga og hlæja að þeim. Enginn er gallalaus. Jafnvel sá versti hefur eitthvað til síns ágætis. Síðan kemur boðið: Ekki úthúða gesti og reka hann á dyr. Þess í stað á að sýna þeim sem er í vanda góðvild.

Lesa skýringarLoka skýringum