Ráð um ferðalög og vináttu

Hvað skiptir máli á ferðalögum og í vináttu?

Hávamál hefjast á ráðum um aðgát þegar komið er inn í ókunnugt hús. Við dyrnar á fyrst að líta vel í kringum sig. Enginn veit hvar óvinur kann að leynast inni. Ferðalangur sem kemur úr kuldanum þarf eld. Sá sem hefur farið yfir fjöll þarf líka mat og klæði.

Vitur gestur sem boðið er til matar situr hljóður. Hann hlustar og fylgist með því sem gerist í kringum hann. Því meira sem menn drekka, þeim mun verr ráða þeir við hugsanir sínar. Því er ráðlagt að drekka í hófi. Menn eiga aðeins að segja það sem þarf og þegja ella.

Við eigum að sýna vinum okkar vináttu á móti. Gjöf skal gjalda með gjöf. Við traustan vin er gott að ræða hugsanir sínar. Einnig er ráðlagt að skiptast á gjöfum. Það er líka mikilvægt að heimsækja vini sína oft.

Gjafir þurfa ekki að vera stórar. Sögumaðurinn segist hafa eignast vin með hálfu brauði og bikar af drykk.

Lesa skýringarLoka skýringum