Borgarmúrinn og Svaðilfari

Hvernig léku goðin á jötuninn sem reisti borgarmúrinn?

Um það leyti sem goðin höfðu reist Miðgarð og Valhöll bauð smiður þeim að reisa borgarmúr. Í laun vildi hann fá Freyju, sólina og tunglið. Goðin settu það skilyrði að hann lyki verkinu á einum vetri. Hann mátti heldur ekki fá neinn sér til hjálpar.

Að ráði Loka fékk smiðurinn þó að nota hest. Svaðilfari dró stór björg að múrnum á hverri nóttu. Hesturinn vann meira en smiðurinn sjálfur. Þegar 3 dagar voru til sumars var múrinn nær fullgerður, nema við hliðið.

Goðin kenndu Loka um og hann sór að sjá til þess að smiðurinn fengi ekki launin. Um kvöldið brá hann sér í líki hryssu og tældi hestinn til sín. Svaðilfari sleit böndin og elti hana. Smiðurinn elti hestinn og ekkert varð úr vinnunni.

Þegar smiðurinn sá að hann myndi ekki ljúka verkinu í tæka tíð brast hann í jötunmóð. Goðin rufu eiða sína og kölluðu á Þór. Þór drap jötuninn með Mjölni. Síðar fæddi Loki gráan hest með 8 fætur. Það var Sleipnir.

Lesa skýringarLoka skýringum