Mennirnir sem urðu til úr trjám

Hvernig urðu tré að mönnum?

Í Völuspá koma 3 máttugir og góðviljaðir guðir. Á landi finna þeir Ask og Emblu, sem voru lítils megnug og áttu sér enn engin örlög. Þau höfðu hvorki andardrátt né hug, hvorki líkamshita né hreyfigetu og engan fagran litarhátt.

Óðinn gaf þeim andardrátt og Hænir hug. Lóður gaf þeim líkamshita og fagran litarhátt. Í þessu kvæði gefa guðirnir Aski og Emblu hver sína gjöf og gæða þau þannig lífi.

Í Gylfaginningu gengu synir Bars meðfram sjónum. Þar fundu þeir 2 tré. Þeir tóku trén upp og gerðu úr þeim menn. Fyrsti guðinn gaf þeim andardrátt og líf, sá næsti vit og hreyfigetu.

Síðasti guðinn gaf þeim útlit, mál, heyrn og sjón. Guðirnir gáfu þeim líka föt. Þeir nefndu karlinn Ask og konuna Emblu. Frá þessum karli og þessari konu er mannkynið komið.

Lesa skýringarLoka skýringum