Mjöðurinn sem gerir menn að skáldum

Hvernig varð skáldamjöðurinn til?

Kvasir ferðaðist um heiminn og miðlaði fólki af þekkingu sinni. Dvergarnir Fjalar og Galar buðu honum til sín og kölluðu hann afsíðis, þar sem enginn annar var. Þar drápu þeir hann og söfnuðu blóðinu í ker.

Dvergarnir blönduðu hunangi við blóðið. Úr varð mjöður sem gerir hvern þann sem drekkur hann að skáldi eða fræðimanni. Næst buðu þeir jötninum Gillingi og konu hans heim til sín. Þeir fóru með Gilling út á sjó í bát, sigldu á sker og hvolfdu bátnum. Hann kunni ekki að synda og drukknaði.

Þegar kona hans grét hástöfum bauð Fjalar henni að koma og horfa út á sjóinn. Um leið og hún gekk út um dyrnar lét Galar kvarnarstein falla ofan á hana og drap hana. Þegar Suttungur, sonur þeirra, frétti þetta fór hann með dvergana út á sjó. Hann skildi þá eftir á skeri sem færi í kaf við flóð.

Dvergarnir báðu hann að þyrma lífi sínu. Þeir buðu honum mjöðinn í bætur fyrir föður hans og þannig sættust þeir. Suttungur faldi mjöðinn í Hnitbjörgum og lét dóttur sína, Gunnlöðu, gæta hans.

Lesa skýringarLoka skýringum