Síðasta hefndarför brœðranna

Hvers liðsinnis skorti brœðrna í hefndarförinni?

Hamðir ok Sörli fara at eggjan móður sinnar at hefna systur sinnar. Á leiðinni hitta þeir Erp, bróður sinn. Þeir spyrja, hvat lið at honum muni vera. Erpr svarar, at hann muni hjálpa þeim, sem annarr fótr hjálpar öðrum. En þeir vilja eigi fallast á svar hans, bregða sverðum ok drepa hann.

Í höll Jörmunrekks drekka menn. Háváðinn er svá mikill, at þeir heyra eigi hófatak hestanna. Brátt hefst bardagi í höllinni. Brœðrnir höggva hendr ok fœtr af konungi ok kasta í eldinn. Konungr hrópar, at hvárki sverð né spjót bíti á brœðrna, ok býðr mönnum at berja þá grjóti.

Hamðir iðrast nú, því at Erpr hefði höggvit höfuð af konungi, ef hann hefði lifat. Í miðjum bardaga minnist hann bróðurins, er þeir vágu á leiðinni. Þó segir hann, at þeir hafi vel barizt ok getit sér frægðar. Loks fellr Sörli við gafl hallarinnar. Hamðir lætr ok lífit at húsbaki.

Les skýringarLúk aptr skýringum