Þórr ok Hrungnir

Hverr hjálpaði Þór, er hann lá fallinn?

Hrungnir eltir Óðin á hesti ok kemr allt til Ásgarðs. Hann drekkr öl í höll goðanna ok tekr at hóta þeim bana. Þórr er kvaddr þangat. Hrungnir segir, at engi frami sé at drepa sik vápnlausan, ok skorar á Þór til einvígis.

Jötnar búa sik undir einvígit ok gera leirjötuninn Mökkurkálfa. Er dagrinn kemr, kastar Þórr hamri sínum, en Hrungnir kastar hein á móti. Þau mætast í lopti, ok heinin brotnar. Brot ór henni stendr í höfði Þórs. Þórr fellr til jarðar.

Hamarrinn brýtr höfuð Hrungnis. Jötunninn fellr á Þór, svá at fótr hans liggr yfir hálsi honum. Förunautr Þórs fellir leirjötuninn, en fær eigi hrært fót Hrungnis. Goðin koma at, en þau megna þat heldr eigi.

Þá kemr Magni, sonr Þórs. Hann er enn 3 nátta gamall, en kastar fæti jötunsins af föður sínum. Þórr stendr upp ok fagnar syni sínum vel. Hann gefr Magna hest þann, er Hrungnir hafði átt.

Les skýringarLúk aptr skýringum