Þórr í brúðarbúningi

Hví varð Þórr at búast sem brúðr?

Er Þórr vaknar, sér hann, at hamarrinn er horfinn. Hann segir Loka, at honum sé stolinn. Þeir fara til Freyju at fá léðan fjaðrham hennar. Loki klæðist honum ok flýgr af stað. Í Jötunheimum hittir hann Þrym.

Þrymr segir, at hann hafi fólgit hamarinn djúpt í jörðu. Hann vill eigi skila honum, nema hann fái Freyju at konu. Er Þórr heyrir þessi tíðendi, biðr hann Freyju búa sik sem brúði. Hon reiðist svá mjök, at salir goðanna skjálfa.

Goðin koma saman til ráðagerðar. Heimdallr leggr þat til, at þeir búi Þór sem brúði. Þórr vill eigi, at goðin kalli sik ragan. Loki segir, at jötnar muni byggja heim goðanna, ef hamarrinn komi eigi aptr.

Þórr fær brúðarlín á höfuð sér ok mikit men um háls. Klæði hanga niðr um kné honum. Lyklar glymja, ok á brjósti ber hann mikla gimsteina. Loki býðst til at fara með honum til Jötunheima sem ambátt.

Les skýringarLúk aptr skýringum