Mímisbrunnr ok auga Óðins

Hví lét Óðinn af hendi annat auga sitt?

Í Gylfaginningu segir, at Mímisbrunnr sé undir þeirri rót trésins mikla, er liggr til jötna. Í brunninum er fólginn vísdómr. Mímir á brunninn ok drekkr vatn ór honum með horni. Því er hann fullr af vísindum.

Óðinn kom ok til brunnsins ok bað um einn drykk vatns. En hann fekk eigi at drekka án endurgjalds. Þá lagði hann annat auga sitt at veði. Þat var gjaldit, er af honum var krafit fyrir drykk ór brunninum.

Í Völuspá kemr Óðinn til völu, er sitr ein. Hann lítr í augu hennar. Völvan veit, at auga hans er fólgit í Mímisbrunni. Hon segir, at Mímir drekki mjöð á hverjum morgni af auganu, er þar var lagt at veði.

Í sama kvæði segir, at horn Heimdalls sé fólgit undir háu, helgu tré. Óðinn gaf völvunni hringa ok hálsmen. Hon mælti vísdómsorð ok sá vítt ok langt um alla heima.

Les skýringarLúk aptr skýringum