Óðinn stelr miðinum

Hvernig flutti Óðinn mjöðinn heim?

Í Skáldskaparmálum segir frá því, at Óðinn hvetti ljái 9 þræla, er slógu gras, með hein. Þrælarnir vildu eignask heinina. Óðinn kastaði henni á loft, ok þeir gripu allir til hennar. Við þat brugðu þeir ljánum hver á háls öðrum ok dóu.

Óðinn nefndisk Bölverkr. Hann bauð jötninum Bauga at vinna fyrir hann ok beiddi at launum eins drykkjar af miðinum. Um sumarit vann hann verk 9 manna. En Suttungr, er mjöðinn átti, synjaði honum drykkjarins. Þá lét Óðinn Bauga bora gegnum bjargit með nafri. Sjálfr brá hann sér í orms líki ok skreið inn um boruna.

Hann var hjá Gunnlöðu í 3 nætr ok fekk síðan leyfi til at drekka 3 drykki af miðinum. Óðinn tæmdi öll 3 kerin í 3 drykkjum. Síðan brá hann sér í arnarham ok flaug brott. Suttungr brá sér ok í arnarham ok flaug eptir honum.

Í Ásgarði settu goðin ker út í garðinn. Óðinn spýtti miðinum í þau. Mjöðinn, er hann flutti svá heim, gaf hann goðunum ok þeim mönnum, er yrkja kunnu. Í Skáldskaparmálum er skáldskapr því ok kallaðr gjöf Óðins.

Les skýringarLúk aptr skýringum