Mjöðrinn er gerir menn at skáldum

Hvernig varð skáldamjöðrinn til?

Kvasir fór um heim ok kenndi mönnum frœði. Dvergarnir Fjalarr ok Galarr buðu honum heim til sín ok kölluðu hann til tals á stað þar sem engi annarr var. Þar drápu þeir hann ok söfnuðu blóði hans í ker.

Dvergarnir blönduðu hunangi við blóðit. Af því varð mjöðr er gerir þá at skáldum eða frœðimönnum er drekka. Því næst buðu þeir heim jötninum Gillingi ok konu hans. Þeir tóku Gilling í bát ok reru á sæ út. Þeir létu bátinn reka á sker ok hvolfa. Gillingr kunni eigi at synda ok drukknaði.

Er kona hans grét hátt, bauð Fjalarr henni at ganga út ok líta á sæinn. Þegar hon gekk út um dyrrnar, lét Galarr kvarnstein falla ofan á hana ok drap hana. Suttungr, sonr hennar, frétti þetta ok flutti dvergana út á sæ. Hann skildi þá eptir á skeri er fór í kaf með flóði.

Dvergarnir báðu sér lífs. Þeir buðu mjöðinn í föðurbœtr, ok sættust þeir svá. Suttungr fal mjöðinn í Hnitbjörgum ok setti dóttur sína Gunnlöðu til at gæta hans.

Les skýringarLúk aptr skýringum