Jötunn ok kýr verða til

Hvernig fæddusk inn fyrsti jötunn ok forfaðir goðanna?

Eitr þat, er rann með ám þeim, er Élivágar heita, harðnaði ok varð at ísi, er þat kom langt frá uppsprettu sinni. Úr því steig úði, er fraus at hrími. Er heitr blær mætti hríminu, bráðnaði þat ok varð at dropum.

Í dropunum kviknaði líf, ok varð þar til Ymir, í manns líki. Hrímþursar nefna hann Aurgelmi. Ymir svaf ok svitnaði. Þá óxu undir vinstri hendi hans karl ok kona.

Af dropunum, er urðu við bráðnun hrímsins, varð ok kýrin Auðhumla. Mjólk sú, er rann ór júgrum hennar, fœddi Ymi. Sjálf lifði kýrin á því at sleikja hrímsteina, er saltir váru.

At kveldi ins fyrsta dags, er hon sleikti steinana, kom í ljós hár manns. Annan daginn kom fram höfuðit, en á 3. degi var allr maðrinn kominn fram. Sá hét Búri. Sonarsynir hans váru Óðinn, Vili ok Vé.

Les skýringarLúk aptr skýringum