Hvers vegna er gull kallað tár eða hár?

Hvers vegna er gull kennt við eld og tár?

Í Skáldskaparmálum býður Ægir guðunum til veislu hjá sér. Þegar þeir hafa sest lætur hann bera gull inn á hallargólfið. Gullið lýsir upp höllina eins og eldur. Þannig er kenningin „eldur Ægis“ um gull útskýrð.

Gull er líka kallað „lauf Glasis“, „hár Sifjar“ og „höfuðband Fullu“. „Tár Freyju“ er enn ein kenningin. Þá kenningu má útfæra frekar og kalla gull regn, hagl eða dropa sem falla úr augum Freyju.

Gull er einnig nefnt „mál jötna“ eða „rödd jötna“. Skáldskaparmál taka dæmi úr kvæðum þar sem slíkar kenningar eru notaðar. Orðin eru síðan skýrð og sýnt hvaða orð vísa til steina, jötna og gulls.

Haugur Hölga konungs tengist líka kenningu um gull. Hann var hlaðinn úr lögum af gulli og silfri sem færð voru að fórn, til skiptis við lög af mold og grjóti. Kenningin „þak haugs Hölga“ um gull er einnig nefnd í bókinni.

Lesa skýringarLoka skýringum