Viðvörun hana og hunds

Hvar heyrast köll hananna og gelt Garms?

Í „Völuspá“ situr gömul gýgur austur í Járnviði og elur upp afkvæmi Fenrisúlfs. Eitt þeirra mun birtast í skrímslislíki og taka tunglið. Það étur líf þeirra manna sem eiga að deyja.

Bústaðir goðanna litast rauðir af blóði. Sumarsólskinið sortnar og veðrið verður illt. Eggþér situr á hæð. Hann er hirðir gýgjarinnar og leikur glaður á hörpu.

Í trénu yfir honum galar rauði haninn Fjalar. Hjá goðunum galar Gullinkambi. Sá hani vekur kappana í höll Óðins. Undir jörðinni, í sölum Heljar, galar líka sótrauður hani.

Framan við hellinn geltir Garmur ákaft. Völvan segir að böndin muni bresta og úlfurinn hlaupa laus. Hún sér líka langt fram í tímann og veit hvaða örlög bíða goðanna.

Lesa skýringarLoka skýringum