Sverðið úr gröfinni

Hvers konar sverð færði faðirinn dóttur sinni úr gröfinni?

Við sólsetur hittir Hervör unga fjárhirði við Munarvog á eyjunni. Hann varar hana við að grafirnar hafi opnast og eldar logi. Hún snýr þó ekki við. Fjárhirðirinn flýr inn í skóginn en Hervör líður sem reykur gegnum logana og nálgast gröfina.

Hervör kallar á föður sinn, Angantý, og vekur hann í gröfinni. Hún vill fá sverðið Tyrfing sem dvergar smíðuðu. Faðir hennar varar hana við: Sverðið mun tortíma allri ætt þinni.

Faðir hennar spáir líka að hún muni eignast son. Hann muni heita Heiðrekur og bera Tyrfing. Að lokum segist faðir hennar ekki lengur geta synjað henni um sverðið og afhendir henni það. Hervör tekur við því og þakkar honum.

Faðir hennar segir henni að hafa sverðið hulið. Báðar eggjar þess séu eitraðar og hún megi ekki snerta þær. Hervör kveður hina dauðu í gröfunum. Hún segir að þegar logarnir umluktu hana hafi henni fundist hún vera milli heima.

Lesa skýringarLoka skýringum