Þór í brúðarbúningi

Hvers vegna klæddist Þór brúðarbúningi?

Þegar Þór vaknar uppgötvar hann að hamarinn hans er horfinn. Hann segir Loka að honum hafi verið stolið. Þeir fara til Freyju og fá fjaðurham hennar að láni. Loki klæðist honum og flýgur af stað. Í Jötunheimum hittir hann Þrym.

Þrymur segir að hann hafi falið hamarinn djúpt í jörðu. Hann skilar honum aðeins ef hann fær Freyju fyrir konu. Þegar Þór heyrir þetta biður hann Freyju að klæðast brúðarbúningi. Hún verður svo reið að salir goðanna nötra.

Goðin koma saman til að ráða ráðum sínum. Þá leggur Heimdallur til að þau klæði Þór í brúðarbúning. Þór vill það ekki, því hann óttast að goðin kalli hann ókarlmannlegan. Loki segir að jötnar muni taka sér bólfestu í heimi goðanna ef hamarinn náist ekki aftur.

Þór fær brúðarslæðu og stórt hálsmen. Fötin ná niður að hnjám og lyklar klingja við hann. Á brjóstinu ber hann stóra gimsteina. Loki býðst til að fara með honum til Jötunheima sem þerna hans.

Lesa skýringarLoka skýringum