Hverjir voru andstæðingarnir?

Við hverja höfðu þau í raun keppt?

Um morguninn, þegar Þór var kominn út úr borginni, sagði Útgarða-Loki honum frá sjónhverfingunum. Hann hafði skotið fjalli fyrir hamar Þórs. Djúpu dalirnir í fjallinu voru för eftir hamarshöggin.

Andstæðingurinn í kappátinu var eldur sem brenndi bæði kjötið og trogið. Andstæðingurinn í kapphlaupinu var hugsun Útgarða-Loka sjálfs. Endi drykkjarhornsins lá út í hafið. Útgarða-Loki sagði að drykkja Þórs hefði lækkað yfirborð sjávar og þannig hefðu fjörur orðið til.

Kötturinn sem Þór lyfti var í raun stórormurinn sem umlykur jörðina. Allir sem sáu fót kattarins lyftast frá jörðu urðu hræddir. Gamla konan sem hann glímdi við var ellin sjálf. Enginn sem eldist kemst hjá því að lúta í lægra haldi fyrir henni.

Þór reiddi hamarinn til höggs, en þá var Útgarða-Loki horfinn. Hann sneri sér við til að brjóta borgina, en þar var ekkert nema víðáttumikill völlur. Þór hélt heim á leið og ákvað að leita færis á að mæta stórorminum aftur.

Lesa skýringarLoka skýringum