Hvað er Edda?

Hvaða bækur eru kallaðar Edda?

Tvær bækur ganga undir nafninu Edda: Eddukvæði og Snorra-Edda. Eddukvæði eru safn kvæða sem varðveist hafa frá fornu fari. Sum þeirra eru líka höfð orðrétt eftir í bók Snorra.

Brynjólfur Sveinsson, biskup í Skálholti, fann handritið með kvæðunum árið 1643. Sum kvæðin höfðu varðveist í heilu lagi en önnur aðeins að hluta. Þarna voru orð gömlu kvæðanna varðveitt saman á einum stað.

Snorra-Edda er hins vegar bók sem Snorri Sturluson skrifaði í óbundnu máli. Þar segir hann frá goðsögum en útskýrir líka sérstakt orðalag í skáldskap og hvernig kvæði eru ort. Hann vitnar í gömul kvæði og miðlar þannig þekkingu sem skáld þurfa að hafa.

Lesa skýringarLoka skýringum