Gylfi stendr á vellinum

Hvat sagði Gylfi frá, er höllin var horfin?

Er frásögninni í *Gylfaginningu* lýkr, heyrir Gylfi mikinn gný á alla vegu. Hann lítr til hliðar ok síðan allt umhverfis sik. Þá sér hann, at hann stendr á sléttum velli. Hvert sem hann lítr sér hann hvárki höll né borg.

Gylfi gengr brott af vellinum ok heim í land sitt. Þar segir hann frá því, er hann hefir sét ok heyrt. Þeir, er heyra frásögn hans, segja hana öðrum. Svá gengr sagan um þat, er hann reyndi, frá manni til manns.

En æsir koma saman ok ráðgast. Þeir rifja upp sögurnar, er þeir sögðu Gylfa. Síðan gefa þeir mönnum þeim ok stöðum, er þar eru, nöfn ór sögunum. Þeir vilja, at menn á ókomnum öldum trúi því, at mennirnir, er bera sömu nöfn sem goðin í sögunum, séu hin sömu ok þau.

Les skýringarLúk aptr skýringum