Loki inn slœgi

Hvernig skiptir Loki við goðin?

Loki er talinn með goðunum. Faðir hans er jötunninn Fárbauti. Móðir hans heitir Laufey, ok er hon ok kölluð Nár. Loki heitir sjálfr ok Loptr. Brœðr hans eru Býleistr ok Helblindi. Kona hans er Sigyn, en sonr hans heitir Nari eða Narfi.

Loki er fagr ok fríðr sýnum. En hann er illr í skapi ok mjök fjölbreytinn at háttum. Hann kann um fram aðra þá speki, er slœgð heitir. Hann beitir vélum við alla hluti. Hann er ok kallaðr frumkveði flærðanna meðal goðanna.

Þessa slœgð má ok sjá í skiptum hans við goðin. Loki kemr þeim opt í miklar nauðir. Opt leysir hann þau síðan ór vandanum með vélum sínum. Loki bæði veldr vandanum ok veitir hjálpina.

Les skýringarLúk aptr skýringum