Sævar guð ok fjallakona hans

Hví unir annat við sæ, en hitt á fjöllum?

Njörðr ræðr fyrir gangi vinds ok stillir sæ ok eld. Á hann er ok heitit til sæfara ok veiða. Hann óx upp í Vanaheimi ok var sendr til goðanna at sætt þeira. Bústaðr hans heitir Nóatún. Kona hans, Skaði, er dóttir jötuns ok kýss at búa á fjöllum, þar sem faðir hennar bjó.

Bóndinn vildi búa nær sæ, en konan á fjöllum. Þau sömdu því um at vera 9 nætr á fjöllum ok 9 nætr við sæ. En er Njörðr kom aptr af fjöllunum, kvað hann sér leið fjöllin. Úlfaþytr þótti honum illr hjá söngvi svana.

Skaði undi heldr eigi við sæinn. Á hverjum morgni vaknaði hon við máva, er komu af hafi. Hon kvað fuglsgargit valda því, at hon mætti eigi sofa við sæinn. Síðan fór Skaði aptr til fjalla ok bjó þar. Þar ferr hon á skíðum ok skýtr dýr með boga.

Les skýringarLúk aptr skýringum